កិច្ចប្រជុំពិភាក្សាការងារជាមួយ ក្រុមហ៊ុន Toyota Tsusho Manufacturing (Cambodia) Co., Ltd. នៅ កំពង់ផែស្វយ័តក្រុងព្រះសីហនុ
កំពង់ផែស្វយ័តក្រុងព្រះសីហនុ (កសស)៖ នាវេលាម៉ោង ២ រសៀល ថ្ងៃព្រហស្បតិ៍ ៨ កើត ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៦ ខែមីនា ឆ្នាំ២០២៦ នៅសាលប្រជុំតូច កសស ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងថ្នាក់ដឹកនាំ កសស បានបើកកិច្ចប្រជុំពិភាក្សាការងារជាមួយ ក្រុមហ៊ុន Toyota Tsusho Manufacturing (Cambodia) Co., Ltd. ដឹកនាំដោយ លោក Akira Miura អ្នកគ្រប់គ្រងទូទៅ KD នៃក្រុមហ៊ុន Toyota Motor Corporation និងលោក Hirano Kenta អ្នកគ្រប់គ្រង Group នៃក្រុមហ៊ុន Toyota Tsusho Corporation ស្តីពីបទបង្ហាញនូវ ផលិតកម្មរថយន្តតូយូតាដែលផលិតនៅក្នុងប្រទេសកម្ពុជា ដោយការនាំចូលគ្រឿងបង្គុំរបស់រថយន្តមកពីក្រៅប្រទេស របស់ ក្រុមហ៊ុន Toyota Tsusho Manufacturing (Cambodia) Co., Ltd តាមរយៈមាត់ច្រកកំពង់ផែអន្តរជាតិក្រុងព្រះសីហនុ
