សិក្ខាសាលាបណ្តុះបណ្តាលការអនុវត្តអនុក្រឹត្យស្តីពី ប្រព័ន្ធប្តូរទិន្នន័យអេឡិចត្រូនិកកំពង់ផែ (Port EDI) ក្រោមអធិបតីភាព លោក ប៉ុង វុទ្ធី អគ្គនាយករង នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ តំណាងដ៏ខ្ពង់ខ្ពស់ ឯកឧត្តម ម៉ក់ ស៊ីដេត

សិក្ខាសាលាបណ្តុះបណ្តាលការអនុវត្តអនុក្រឹត្យស្តីពី ប្រព័ន្ធប្តូរទិន្នន័យអេឡិចត្រូនិកកំពង់ផែ (Port EDI) ក្រោមអធិបតីភាព លោក ប៉ុង វុទ្ធី អគ្គនាយករង នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ តំណាងដ៏ខ្ពង់ខ្ពស់ ឯកឧត្តម ម៉ក់ ស៊ីដេត

កំពង់ផែស្វយ័តក្រុងព្រះសីហនុ (កសស) នៅវេលាម៉ោង ៩ ព្រឹក ថ្ងៃអង្គារ ១៤រោច ខែទុតិយាសាឍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៥ ខែសីហា ឆ្នាំ២០២៣ នៅសាលប្រជុំធំ កសស កំពង់ផែស្វយ័តក្រុងព្រះសីហនុ បានរៀបចំបើកសិក្ខាសាលាបណ្តុះបណ្តាលការអនុវត្តអនុក្រឹត្យស្តីពី ប្រព័ន្ធប្តូរទិន្នន័យអេឡិចត្រូនិកកំពង់ផែ (Port EDI) ក្រោមអធិបតីភាព លោក ប៉ុង វុទ្ធី អគ្គនាយករង នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ តំណាងដ៏ខ្ពង់ខ្ពស់ ឯកឧត្តម ម៉ក់ ស៊ីដេត អគ្គនាយក នៃអគ្គនាយកដ្ឋាន ដឹកជញ្ជូនផ្លូវទឹក ផ្លូវសមុទ្រ និងកំពង់ផែ នៃក្រសួងសាធារណការ និងដឹកជញ្ជូន លោក ថោង វីរ៉ូ អគ្គនាយករង ទទួលបន្ទុករដ្ឋបាល និងគ្រប់គ្រង តំណាងដ៏ខ្ពង់ខ្ពស់ ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ ព្រមទាំងមានការចូលរួមពីសំណាក់ បុគ្គលិក-និយោជិក កំពង់ផែស្វយ័តក្រុងព្រះសីហនុ តំណាង អគ្គនាយកដ្ឋានគយ និងរដ្ឋាករ អគ្គនាយកដ្ឋានអន្តោប្រវេសន៍ អគ្គនាយកដ្ឋានបច្ចេកទេសសុខាភិបាល គណៈកម្មការជាតិសន្តិសុខលម្ហសមុទ្រ នាយកដ្ឋាននគរបាលការពារព្រំដែនទឹក សាលាខេត្តព្រះសីហនុ សាលាខេត្តកំពត សាលាខេត្តកោះកុង សាលាខេត្តកែប មន្ទីរសាធារណៈការ និងដឹកជញ្ជូននៃ ខេត្តព្រះសីហនុ ខេត្តកំពត ខេត្តកោះកុង និងខេត្តកែប ក្រុមហ៊ុននាវា និងក្រុមហ៊ុនភ្នាក់ងារនាវា