ដំណើរទស្សនកិច្ចរបស់ គណៈប្រតិភូក្រុមហ៊ុនប្រទេសបារាំងចំនួន ៤៥ នាក់ ដឹកនាំដោយ លោក Charles Julliard

ដំណើរទស្សនកិច្ចរបស់ គណៈប្រតិភូក្រុមហ៊ុនប្រទេសបារាំងចំនួន ៤៥ នាក់ ដឹកនាំដោយ លោក Charles Julliard

កក្កដា ១១, 2024

កំពង់ផែស្វយ័តក្រុងព្រះសីហនុ (កសស) ៖ នាវេលាម៉ោង ៥ រសៀល ថ្ងៃពុធ ៥ កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែកក្កដា ឆ្នាំ២០២៤ នៅសាលប្រជុំធំ កសស ឯកឧត្តម លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយក កំពង់ផែស្វយ័តក្រុងព្រះសីហនុ និងថ្នាក់ដឹកនាំ កសស បានទទួលស្វាគមន៍ ដំណើរទស្សនកិច្ចរបស់ គណៈប្រតិភូក្រុមហ៊ុនប្រទេសបារាំង ចំនួន ៤៥ នាក់ ដែលក្នុងចំណោមក្រុមហ៊ុនទាំងនេះ មានក្រុមហ៊ុនខ្លះកំពុងប្រតិបត្តិការអាជីវកម្មរបស់ខ្លួនក្នុងប្រទេសកម្ពុជា និងក្រុមហ៊ុនខ្លះទៀតមកពីបរទេស ដឹកនាំដោយ លោក Charles Julliard អគ្គនាយកនៃសភាពាណិជ្ជកម្មបារាំង ប្រចាំប្រទេសកម្ពុជា មកកាន់កំពង់ផែស្វយ័តក្រុងព្រះសីហនុ ក្នុងគោលបំណងស្វែងយល់ពីប្រតិបត្តិការ និងគម្រោងអភិវឌ្ឍន៍របស់ កសស