ឯកឧត្តម លូ គឹមឈន់ និងលោកជំទាវ បាននាំយកអំណោយសម្តេចគតិព្រឹទ្ធបណ្ឌិត ផ្តល់ជូនបងប្អូនប្រជាពលរដ្ឋដែលជួបការលំបាក
ថ្ងៃទី ២៤ ខែវិច្ឆិកា ឆ្នាំ ២០១៦ វេលាម៉ោង ១៤:៣០រសៀល ឯកឧត្តម លូ គឹមឈន់ ប្រធានគណ:កម្មាធិការសាខាកាកបាទក្រហមខេត្តព្រះសីហនុ និងជាប្រធានក្រុមការងារថ្នាក់ជាតិចុះមូលដ្ឋានស្រុកព្រៃនប់ និងលោកជំទាវ និងក្រុមការងារទាំងអស់ បាននាំយកអំណោយសម្តេចគតិព្រឹទ្ធបណ្ឌិត ផ្តល់ជូនបងប្អូនប្រជាពលរដ្ឋដែលជួបការលំបាក នៅឃុំបឹងតាព្រហ្ម ឃុំអូរឧកញ៉ាហេង និងឃុំអូរជ្រៅ ចំនួន ២៩៦គ្រួសារ ដែលក្នុង ១គ្រួសារ ទទួលបាននូវ អង្ករ២៥គីឡូក្រាម មី១កេស ក្រម៉ា១ សារ៉ុង១ និង ថវិការ ២០.០០០រៀល ។
