នាវាទេសចរណ៍ឈ្មោះ Seven Seas Voyager ដែលជានាវាទី ០៤ ចូលចតនៅកំពង់ផែស្វយ័តក្រុងព្រះសីហនុ
នៅវេលាម៉ោង ៩:០០ ព្រឹកថ្ងៃអង្គារ ៧កើត ខែមាឃ ឆ្នាំរការ នព្វស័ក ព.ស.២៥៦១ ត្រូវនឹងថ្ងៃទី២៣ ខែមករា ឆ្នាំ២០១៨ មាននាវាទេសចរណ៍ចំនួន ០១ គ្រឿង ឈ្មោះ Seven Seas Voyager ដែលជានាវាទី ០៤ មកពីកំពង់ផែ Laem Chabang ចូលចតនៅកំពង់ផែស្វយ័តក្រុងព្រះសីហនុ ។ នាវាទេសចរណ៍នេះមានផ្ទុកអ្នកដំណើរចំនួន ៦៨៩ នាក់ (ស្រី ៣៥៧ នាក់) និងនាវិកចំនួន ៤៤២ នាក់ (ស្រី ១០៤ នាក់) ហើយនាវាទេសចរណ៍នេះនឹងចាកចេញពីកំពង់ផែស្វយ័តក្រុងព្រះសីហនុនៅម៉ោង ១៩:០០ ថ្ងៃដដែលដោយឆ្ពោះទៅកាន់កំពង់ផែ Ho Chi Minh ប្រទេសវៀតណាម ។
