២.នាវាទេសចរណ៍ចំនួន ០២ គ្រឿង បានចូលចតនៅកំពង់ផែស្វយ័តក្រុងព្រះសីហនុ
នៅវេលាម៉ោង ៩:០០ ព្រឹកថ្ងៃព្រហស្បតិ៍ ៩កើត ខែមាឃ ឆ្នាំរការ នព្វស័ក ព.ស.២៥៦១ ត្រូវនឹងថ្ងៃទី២៥ ខែមករា ឆ្នាំ២០១៨ មាននាវាទេសចរណ៍ចំនួន ០២ គ្រឿង (១)-ឈ្មោះ Costa Victoria ជានាវាទី ០៥ មកពីកំពង់ផែ Laem Chabang និង (២)-ឈ្មោះ Nautica ដែលជានាវាទី ០៦។ មកពីកំពង់ផែ Koh Samui បានចូលចតនៅកំពង់ផែស្វយ័តក្រុងព្រះសីហនុ ។ នាវា Costa Victoria មានផ្ទុកអ្នកដំណើរចំនួន ១.៨៩២ នាក់ (ស្រី ១.០០៨ នាក់) និងនាវិកចំនួន ៧៩១ (ស្រី ១៣៥ នាក់) ឯនាវា Nautica មានផ្ទុកអ្នកដំណើរចំនួន ៦៦០ នាក់ (ស្រី ៣០៨ នាក់) និងនាវិកចំនួន ៣៩១ នាក់ (ស្រី ៨៣ នាក់) ហើយនាវាទេសចរណ៍ទាំងពីរគ្រឿងនេះនឹងចាកចេញពីកំពង់ផែស្វយ័តក្រុងព្រះសីហនុនៅម៉ោង ២២:០០ ថ្ងៃដដែល ដោយនាវា (១)-ឈ្មោះ Costa Victoria ឆ្ពោះទៅកាន់កំពង់ផែប្រទេសសឹង្ហបូរី និងនាវា (២)-ឈ្មោះ Nautica ឆ្ពោះទៅកាន់កំពង់ផែ Ho Chi Minh ប្រទេសវៀតណាម ។
